सोनादामा नेपाली भाषा मान्यता दिवस समारोह सम्पन्न

सोनादा, (निसं): सोनादा डिग्री कलेज एवं सोनादा साहित्य संस्थानको आयोजनामा सोनादामा नेपाली भाषा मान्यता दिवस समारोह सम्पन्न भएको छ। उक्त कार्यक्रमको अध्यक्षता वरिष्ठ साहित्यकार जोगेन दर्नालले गरेका थिए भने प्रमुख अतिथिको रुपमा भाषा संग्रामी बीबी गुरुङ उपस्थित रहेका थिए। कार्यक्रममा दिवंगत भाषा सङ्ग्रामीहरू र स्वर्गारोहण भएका भाषिक तथा साहित्यिक व्यक्तित्वहरूको स्मरणमा मौन धारण गरिएको थियो। अतिथिहरुका बाहुलीबाट धुप दीप प्रज्ज्वलन गरी थालिएको कार्यक्रममा स्वागत मन्तव्य नेपाली भाषा मान्यता समारोह समितिको संयोजक प्राध्यापक मेघनाथ छेत्रीले राखेका थिए।कार्यक्रममा नेपाली भाषाको संवैधानिक मान्यताको संक्षिप्त इतिहास- प्राध्यापिका इलोरा शर्मा, इतिहास विभाग,सोनादा डिग्री कलेजले राखेकी थिइन्‌‍।कार्यक्रममा छुट्टै कक्षमा विद्यालय स्तरीय शुद्ध हिज्जे लेखन प्रतियोगिता सम्पन्न भएको थियो जसमा सोनादा क्षेत्रका विभिन्न विद्यालयहरुका विद्यार्थीहरुले भाग लिएका थिए। त्यसरी नै विद्यालय स्तरीय कविता वाचन कार्यक्रम पनि राखिएको थियो। कार्यक्रममा महाविद्यालय स्तरीय कविता वाचन कार्यक्रम पनि आयोजना गरिएको थियो। कार्यक्रममा नेपाली अनर्समा सर्वोच्च अङ्क हासिल गर्ने विद्यार्थी नित्य मंगरलाई प्राध्यापक मेघनाथ छेत्रीद्वारा आफ्ना पिताको पुण्य स्मृतिमा प्रदान गरिएको स्व.रामबहादुर छेत्री स्मृति नेपाली भाषा मेधावी पुरस्कार प्रदान गरिएको छ।कार्यक्रममा गीत, नृत्य, कविता प्रस्तुत गरिएको थियो। कार्यक्रममा भाषा संग्रामी एवम्‌‍ प्रमुख अतिथि बीबी गुरुङलाई सम्बर्द्धना जनाइएको छ। यस अवसरमा प्रमुख अतिथिको परिचय प्रा मेघनाथ छेत्रीले राखेका थिए। यस अवसरमा उनलाई शिर शोभा, दोसल्ला र अभिनन्दन चिन्ह प्रदान गरी सम्मान जनाइएको छ। यस अवसरमा उनले प्रमुख अतिथिको रुपमा सम्भाषण पनि राखेका थिए। कार्यक्रममा सोनादा डिग्री कलेजका भारप्राप्त प्राचार्य डा प्रमोद छेत्रीले सम्भाषण राखेका थिए। कार्यक्रममा साहित्यिक सृजना वाचन पनि राखिएको थियो भने सद्भावना वरिष्ठ नागरिक मञ्चबाट सामूहिक लोक गीत प्रस्तुत गरिएको थियो। शुद्ध हिज्जे लेखन प्रतियोगितामा विजयी हुने विद्यालय र महाविद्यालयका विद्यार्थीहरूलाई प्रमाणपत्र र पुरस्कार वितरण गरिएको छ। कार्यक्रममा अध्यक्षीय सम्भाषण तथा धन्यवाद ज्ञापन साहित्यकार जोगेन दर्नालले राखेका थिए।कार्यक्रमलाई नरेश कटुवाल, रजत ठकुरी, बुद्ध राई, प्रा. अनिलकुमार विश्वकर्मा,ङ्गप्रा.पर्वत रसाइली, मञ्जरी गुरुङ आदिले सञ्चालन गरेका थिए। कार्यक्रमपछि पत्रकारहरुसित कुराकानी गर्दै शिक्षक एंव सोनादा साहित्य संस्थानको सचिव नरेश कटुवालले विस्तृत रुपमा जानकारी गराएका छन्‌‍।