नेपाली भाषामा साइन बोर्ड लगाउने महासंघद्वारा विद्यालयहरूलाई अनुरोध

Share this news

तीनधारे,23 जुलाई(निसं): अखिल भारतीय गोर्खा विद्यार्थी महासंघ तीनधारे महानदी समष्टिको तर्फबाट नेपाली भाषामा नै साइन बोर्डहरु लेखिदिने मागमा विभिन्न स्कूलहरुमा गएर ज्ञापन पत्र बुझाउने कार्य गरेका छन्‌‍। विद्यार्थी महासंघ तीनधारे महानदी समष्टिको तर्फबाट आजदेखि विभिन्न प्राथमिक पाठशालाहरु, हाई स्कूल, निजी स्कूलहरुमा गएर जीटीएको तर्फबाट जारी अधिसूचनाको आधारमा आफ्नो आफ्नो स्कूलको साइन बोर्डहरु आगामी भाषा मान्यता दिवस अघि नै नेपाली भाषामा नै लेखिदिने अनुरोध गर्दै पत्रचार गरेका छन्। उक्त पत्राचार गर्ने कार्य आज प्रथम दिन तीनधारे महानदी समष्टिको घैयाबारी र महानदी क्षेत्रमा रहेका विभिन्न विद्यालयहरु, प्राथामिक पाठशालाहरु र निजी स्कूलहरु सामेल छन्‌‍। सबै स्कूलहरुमा पुगेर विद्यार्थी महासंघले आगामी भाषा मान्यता दिवस अघि नै नेपाली भाषामा स्कूलको साइन बोर्डहरु लेखिदिने अनुरोध गर्दै पत्रचार गरेका छन्‌‍। यस क्रममा विद्यार्थी महासंघले घैयाबारी नेताजी हाई स्कूल, नेताजी प्राथमिक पाठशाला, ब्लु डाईमण्ड अंग्रेजी स्कूल, ड्याब जोबियल स्कूल, महानदी हाई स्कूल, गाँधी मेमोरियल प्राथमिक पाठशाला, अन्य निजी स्कूहरुमा पनि पुगेर प्रधान अध्यापक, प्राचार्य, शिक्षक प्रभारी लगायत शिक्षक शिक्षिकाहरुलाई भेटेर नेपाली भाषामा साइन बोर्डहरु लेखिदिने अनुरोध गर्दै पत्रहरु सुम्पेका छन्‌‍। यस टोलीमा अखिल भारतीय गोर्खा विद्यार्थी महासंघ तीनधारे महानदी समष्टिको सभापति सुभम प्रधान लगायत सदस्यहरु विपन विश्वकर्म, मनोहर थापा, पञ्चायत सदस्य राजीव तामाङ, सांगठनिक सचिव प्रयास प्रधान, प्रचार प्रसार सचिव पुरण राई, सदस्य भभित प्रधान साथै अन्यहरु उपस्थित रहेका थिए। यस टोलीले बुधवार पहिलो दिन तीनधारे महानदी समष्टिको घैयाबारी र महानदी क्षेत्रमा रहेका विभिन्न विद्यालयहरुमा पुगेर नेपाली भाषामा साइन बोर्डहरु लेखिदिने अनुरोधमा पत्र सुम्पेका छन्‌‍ भनी सभापति सुभम प्रधानले बताएकस छन्‌‍। उनले बताए अनुसार अब आगामी दिनमा तीनधारे महानदी समष्टिको घैयाबारी ग्राम पञ्चायत दुई र शिवखोला ग्राम पञ्चायत क्षेत्रमा रहेका विभिन्न विद्यालयहरुमा पुगेर नेपाली भाषामा साइन बोर्डहरु लेखिदिने अनुरोध गर्दै पत्रहरु सुम्पने जानकारी गराएका छन्। उनले नेपाली भाषामा साइन बोर्डहरु लेख्ने कार्य आगामी भाषा मान्यता दिवस अघि नै लेखिदिने अनुरोध गरिएको बताएका छन्‌‍। उनले यसपाली विद्यार्थी महासंघ तीनधारे महानदी समष्टिको आयोजनामा विभिन्न कार्यक्रमहरु पनि आयोजना गरिने जानकारी गराएका छन्‌‍।


Share this news
आजको रोजाइ
पैह्रो पीडितहरुलाई यथाशक्ति सहयोग गर्ने आइजीजेएफको आह्वान

पैह्रो पीडितहरुलाई यथाशक्ति सहयोग गर्ने आइजीजेएफको आह्वान

पूर्व प्रम ओली र पूर्वगृहमन्त्री रमेश लेखकलाई पक्राउ गर्ने माग

प्रधानमन्त्री कार्कीले सिंहदरबारमा बोलाइन् आकस्मिक बैठक

प्रधानमन्त्री कार्कीले सिंहदरबारमा बोलाइन् आकस्मिक बैठक

केन्द्रीयमन्त्री किरण रिजुजुद्वारा पहिरो प्रभावित क्षेत्रको भ्रमण

केन्द्रीयमन्त्री किरण रिजुजुद्वारा पहिरो प्रभावित क्षेत्रको भ्रमण

लाल बहादुर छेत्री बने जिल्लाका प्रहरीका वरिष्ठ उपरीक्षक

लाल बहादुर छेत्री बने जिल्लाका प्रहरीका वरिष्ठ उपरीक्षक

आइजीजेएफद्वारा पहिरो प्रभावित परिवारहरूलाई सामग्री वितरण

आइजीजेएफद्वारा पहिरो प्रभावित परिवारहरूलाई सामग्री वितरण

गोर्खे धार्मिक नेता पेम्बा लामाले गोजमुमोप्रति गरे कटाक्ष

पैह्राेमा ज्यान गुमाउनेहरूलाई गरियो श्रद्धाञ्जली अर्पण

पैह्राेमा ज्यान गुमाउनेहरूलाई गरियो श्रद्धाञ्जली अर्पण

कमनवेल्थ सम्मेलन र साना राज्य सम्मेलनमा सिक्किम सामेल

कमनवेल्थ सम्मेलन र साना राज्य सम्मेलनमा सिक्किम सामेल

मुख्यमन्त्रीले दुधेवासीलाई पक्का सुरक्षा दिने अनित थापाको भनाइ

मुख्यमन्त्रीले दुधेवासीलाई पक्का सुरक्षा दिने अनित थापाको भनाइ

आजको रोजाइ