सेन्ट जोहन वर्कमान पल्लीमा वर्तमान पल्लीपिताको बिदाई एवम्‌‍ स्वागत कार्यक्रम

खरसाङ,16 जुलाई (निसं): खरसाङ्को सेन्ट मेरिज हिलमा अवस्थित सेन्ट जोन वर्कमान पल्लीमा रेभरेन्ड फादर प्रदीप राईलाई आधिकारिक रूपमा नयाँ पल्ली पिताको रूपमा स्थापित गरिएको छ। पल्लीमा अब नयाँ अध्यायको शुरुवात भएको छ, किनकि रेभरेन्ट फादर प्रदीप राईले रेभरेन्ट फादर एन्ड्रयू लामाबाट पदभार ग्रहण गरेका छन्‌‍। रेभरेन्ट फादर एन्ड्रयू लामालाई अर्को स्थानमा स्थानान्तरण गरिएको छ। आधिकारिक स्थापना अनि औपचारिक जिम्मेवारी हस्तान्तरण दार्जीलिङ्को डायोसिसका न्यायिक भिकार, रेभरेन्ट फादर एडवर्ड बरेटोद्वारा गरियो। आइतवार सम्पन्न कार्यक्रममा सबै पल्लीवासीहरूको उपस्थिति रहेको थियो। कार्यक्रममा पल्लीवासीहरूले फादर एन्ड्य्रू लामालाई हार्दिक बिदाई गरे। एन्ड्य्रू लामाले आफ्नो सात वर्षको कार्यकालमा धार्मिक स्थलहरूको सौन्दर्यकरण र नयाँ निर्माणमा प्रमुख भूमिका खेले। विशेष गरी शताब्दी पुरानो आवर लेडी अफ लुर्डेस-(सन्त मेरिज हिल) ग्रोटोलाई अझ राम्रो बनाउन तीर्थस्थलको अवधारणा, डिजाइन, सुपरिवेक्षण र सौन्दर्गीकरण कलाकृति, धार्मिक प्रतीकहरू प्रदर्शन गर्ने सजावटहरू सहित, यो शताब्दी पुरानो तीर्थस्थललाई अझ सुन्दर, सुरक्षित र तीर्थयात्रीहरूको पहुँचयोग्य बनाउने क्रममा उनले ठूलो भूमिका निर्वाह गरे। उनको श्रमको फल हो जुन सेन्ट मेरीज हिलको इतिहासमा लेखिनेछ। यसका साथै पल्ली कपूरसम्म गाडीहरू पुग्न सक्ने सडक निर्माणमा रेभरेन्ट फादर एन्ड्रयू लामाको दृढताले सम्भव भएको थियो। आध्यात्मिकतादेखि सामाजिक क्षेत्रसम्मका विभिन्न क्षेत्रमा उनको बहुमूल्य सेवालाई आम जनताले धेरै वर्षसम्म सम्झनेछन्‌‍। भन्ने कुरा कार्यक्रममा स्मरण गराइयो। उनको यस्तो कार्य, समर्पण र प्रयासले हरेक व्यक्तिको हृदयमा अविस्मरणीय छाप छोडेको छ अनुभव सबैले गरे। त्यसरीनै त्यसै कार्यक्रममा रेभरेन्ट फादर प्रदीप राई र रेभरेन्ट फादर सिलासस लेप्चा (सहायक -पल्लीपिता) लाई न्यानो र अर्थपूर्ण स्वागत गरियो। स्वागत समारोह अक्सिलियम कन्भेन्ट हलमा आयोजना गरिएको थियो, जहाँ विभिन्न साधारण संस्थाहरू र समुदायका सदस्यहरू साक्षी बन्न भेला भएका थिए। कार्यक्रममा भारतीय महिला फूटबल टोलीका मुख्य प्रशिक्षक क्रिस्पिन छेत्रीको उपस्थितिले उक्त अवसरलाई अझ जीवन्त र ऐतिहासिक बनायो। यसै अवसरमा क्रिस्पिन छेत्रीलाई गाउँ समुदायका विभिन्न संस्थाहरूले सम्मान जनाए। कार्यक्रममा ब्रुनु सुब्बा (महासचिव- सेन्ट जोन वर्कमान क्याथोलिक कल्याण संघ) ले पल्ली समुदायको तर्फबाट क्रिस्पिन छेत्रीलाई सम्वर्द्धन पत्र प्रदान गरे।यस अवसरमा पल छेत्री (सदस्य, पी.एफ.सी), बबी स्नद्रा छेत्री (सचिव, पीए.फ.सी/पी.पी.सी) ग्यारेथ कार (अध्यक्ष-सेन्ट जोन बर्कमान क्याथोलिक कल्याण संघ), सेसिलिया लामा (अध्यक्ष नारी सङ्घ), नेहा छेत्री (एनिमेटर आईसीवाईएम), रश्मी सुब्बा (एनिमेटर होलीचाइल्ड हुड-क्रसबिर), गुरुबाबु, ब्रुनु परियार, थोमस सुब्बा, थोमस लेप्चा, श्याम प्रजेश लेप्चा (डब्लु.बी.एम.ई.सी.) विशेष रूपमा उपस्थित थिए। रोबिन पोखरेलद्वारा सञ्चालन गरिएको कार्यक्रम सेन्ट जोन बर्कमान क्याथोलिक कल्याण संघ, महिला संघ,आइसीवाइएम युवा, क्रसवीर अनि पल्लीभित्रका सबै वार्डहरूको सहयोगमा पेरिस वित्त समितिले आयोजना गरेको थियो। विदाई एवम्‌‍ स्वागत समारोह सेन्ट जोन बर्कमान पल्लीको जीवन्त र प्रतिबद्ध समुदायको प्रमाण थियो, जसले विगतप्रतिको उनीहरूको सम्मान र भविष्यको लागि आशावादी प्रत्याशालाई प्रतिबिम्बित गर्दछ भनी स्थानीय पिटर करले जानकारी दिएका छन