प्वाँलेधुरामा गाउँ समाजद्वारा दुइहजार न्यु प्लानटेशन

टिङलिङ चियाबारी स्थित प्वाँलेधुरा गाउँमा सार्वजनिक भवनको लागि कमानबाट जमिनको एनओसी दिएपछि स्थानीय ग्रामवासीले बगानको खाली ठाउँमा 2000 वटा चियाको विरुवा रोपण गरे। नव प्रभात संघ प्वाँले धुरा गाउँमा सार्वजनिक भवनको अभाव थियो। गाउँमा शुभ अशुभ केही कार्य गर्न परे यसको लागि जग्गा थिएन। यो विषयमा जीटीएका सभासद अरुण सिग्चीसमक्ष समस्या राखेपछि सार्वजनिक भवनका लागि पहल शुरु भएको स्थानीय अशोक खड्काले बताए। बगानले एनओसी दिने भएपछि स्थानीय बासिन्दाले पनि चियाको नयाँ विरुवा रोप्ने लिखित वचन बगानलाई दिएका थिए। पचपन्न घर रहेको उक्त समाजका सदस्यहरुले आइतबार २०००(दुई हजार) विरुवा रोप्ने कार्य सम्पन्न गरेको खड्काले बताएका छन्। उनले मञ्जुश्री एग्रीकल्चर प्राली कम्पनी अधीनस्थ यो कमानका प्रबन्धक मोतिराम चौधरीप्रति आभार प्रकट गरेको छ। गाउँ समाजको पक्षमा जीटीए सभासद अरुण सिग्चीप्रति आभार प्रकट गरिएको अशोक खड्काले बताए।