जीटीएस्तरीय स्वतन्त्रता दिवस पालन गरिने तयारी

जीटीए स्तरीय स्वतन्त्रता दिवस मिरिकमा पालन गरिने तयारी भइरहेको छ भने यो कार्यक्रमको अध्यक्षता मिरिक नगरपालिका अध्यक्ष एलबी राईले गर्ने अनि कार्यक्रमका मुख्य अतिथि जीटीएका प्रमुख कार्यपाल अनित थापा रहने आयोजकहरूले अघिबाट नै घोषणा गरिसकेका छन्।
यसका लागि मंगलबार मिरिक आले खेल मैदानमा मार्चपाष्ट अनि ड्रीलमा भाग लिने विभिन्न स्कूल अनि मिरिक कलेजका एनसीसी क्याटेडहरूले अन्तिम पूर्व अभ्यास गरे। यतिका दिनसम्म मार्चपाष्टको अभ्यास गराइरहेका मिरिक गोर्खा भूतपूर्व सैनिक संगठनका पदाधिकारीहरूले मंगलबार आले खेल मैदानमा मार्च पाष्टमा सहभागीहरूलाई पूर्व अभ्यास गराए। जहाँ विद्यार्थीहरूले उत्साहपूर्वक सहभागिता जनाएका थिए।