भारतको उत्तर–पूर्वी राज्य आसामको कार्बी आंगलोङ्ग जिल्लामा मंगलवार बिहान हल्का भूकम्पको धक्का महसुस गरिएको छ। राष्ट्रिय भूकम्प विज्ञान केन्द्रका अनुसार भूकम्पको तीव्रता रेक्टर स्केलमा करिब ३.० मापन गरिएको हो।
स्थानिय बासिन्दाहरूले भूकम्पको झट्का केहि सेकेन्डसम्म महसुस गरेको जनाएका छन्। यद्यपि हालसम्म जनधनको कुनै ठूलो क्षतिको सूचना प्राप्त भएको छैन। प्रशासनले सतर्कता अपनाउँदै सम्भावित परकम्पहरूका लागि निगरानी गरिरहेको जनाएको छ। कार्बी आंगलोङ्ग भूकम्पीय दृष्टिले संवेदनशील क्षेत्रमा पर्ने भएकाले यस्ता हल्का धक्का समय–समयमा आइरहन्छन्। आपतकालीन व्यवस्थापन टोली तयारी अवस्थामा राखिएको र स्थानीयलाई सुरक्षित रहन आग्रह गरिएको छ।
