गोर्खाल्याण्ड आन्दोलनका शहीदहरूको स्मृतिमा मूर्ति

गोर्खाल्याण्ड आन्दोलनका ती वीर शहीदहरूप्रति सम्मान जनाउनको निम्ति इण्डियन गोर्खा जनशक्ति फ्रण्टका प्रमुख अजय एडवर्ड्स हाल राजस्थानको एक ऐतिहासिक ढुंगा खानीमा मूर्ति निर्माण कार्यको निरीक्षणका लागि पुगेका छन्। यस खानीमा गोर्खा आन्दोलनका वीर शहीदहरूको अति मर्मस्पर्शी र कलात्मक कलाकौशल मार्फत मूर्ति निर्माण भइरहेका छन्।
एडवर्ड्स भन्छन् “यी मूर्तिहरू अत्यन्त श्रद्धा र सटीक कलात्मक अभिव्यक्तिका साथ तयार पारिएका छन्। चाँडै यी मूर्तिहरू रेलिङ – कैंजले समष्टिका स्थानीय युवा सङ्गठनको सहकार्यमा स्थापना गरिनेछ, जसले हाम्रो आन्दोलनको इतिहासलाई भावि पुस्ताहरूसम्म जीवित राख्नेछ।”