मजुवा,21 जुलाई(निसं): हिजो मध्य रातीको भयानक हावा-हुन्डरीले अप्पर सिङ्गबुङ्ग डेरा निवासी सामुएल सुब्बाको घर क्षतिग्रस्त बनाएको छ। दार्जीलिङ-पुलबजार खण्ड अधिनस्त मजुवा ग्राम अन्तर्गत अप्पर सिङ्गबुङ्ग डेरा निवासी सामुएल सुब्बाको निर्माण हुदै गरेको घरमा रूख ढलेर आज बिहानी पखको भयनाक हावाले क्षतिग्रस्त बनाएको छ। पीडित सुब्बाले जनाए अनुसार, कंक्रिट ढलाइ स्लेप-को निम्ति सटिङ गरिएको थियो भने घर माथिबाट रूख भाँचिएर लडदा नवनिर्माण घरको सटिङ क्षतिग्रस्त बनाएको हो भने उक्त क्षतिग्रस्त घर स्थलगत निरीक्षणको निम्ति मजुवा ग्राम पञ्चायत प्रधान अनि वार्ड सदस्यलाई सुचना मार्फत आग्रह गरेको सुब्बाले बताए। बिहानीपख 2:30 बजीतिरको हुरीबतासले घरमाथि भएको उत्तिसको निकै ठूलो रूख ढलेकोले उक्त क्षति भएको हो तथापि ज्यान मालको कुनै क्षति नभएपनि निर्माणाधीन घर अनि शौचालयलाई क्षति गरेको सामुएल सुब्बाले जनाए।
