दार्जीलिङ,3 अगस्त(निसं): क्षेत्रीय मानिसहरूको असुविधालाई ध्यानाकर्षण गर्दै शनिबार जोरबङलो सुकिया पोखरी खण्ड अधिनस्थ ग्राम सेवक समाज छोटा पुबोङको आयोजना तथा भावना वेलफिएर सोसाईटी सिलगडीको सहयोगमा एकदिने आखाँ जाँच शिविर सम्पन्न भयो। शिविरमा मुख्य रुपमा सोसाइटि-का डाक्टर जाकिर हुसेनले स्थानीय मानिसहरुको अँखा जाँचसगै अन्य विभिन्न स्वास्थ जाँच जस्तै, प्रेसर, सुगर र अन्यको पनि जाँच गरे। शिविरमा स्थानीय समाजसगै वरिपरिका 110 भन्दा अधिक मानिसहरुले लाभ उठाएका थिए भने यो कार्यले गाउँ- घर समाजका असक्त बुजुर्गहरुले आ-आफनो जाँच गर्न सक्षम भएकोमा ग्राम सेवक समाजको पक्षबाट उपस्थिति डाक्टरहरु सगै भावना वेलफेयेर सोसाइटीलाई आभार प्रकट गरेकोछ।
