पश्चिम बंगालकी मुख्यमन्त्री ममता ब्यानर्जीद्वारा जारी आदेश अनुसार राज्यका सबै सिनेमा हलमा दैनिक प्राइम टाइममा कम्तीमा एउटा बंगाली भाषाको फिल्म प्रदर्शन गर्नुपर्ने निर्णयप्रति गोर्खा राष्ट्रिय युवा मोर्चा (गोरायुमो) ले कडा आपत्ति जनाएको छ। गोरायुमोका केन्द्रीय सदस्य अनमोल निरौलाले जारी विज्ञप्तिमा यस आदेशलाई ‘भाषामाथिको अतिक्रमण’ भन्दै तत्काल खारेज गर्न माग गरेका छन्। उनले गोर्खाल्याण्ड टेरिटोरियल एडमिनिस्ट्रेशन (GTA) क्षेत्रमा यो कानुन लागू नगर्न पश्चिम बंगाल सरकारलाई जोडदार अपील गर्दै जीटीएका प्रमुख कार्यकारीलाई पनि यस विषयमा पहल गर्न आग्रह गरेका छन्।
विज्ञप्तिमा भनिएको छ, “भाषा हाम्रो पहिचान र प्राण हो। यदि पश्चिम बंगाल सरकारले जबरजस्ती हाम्रो गोर्खा क्षेत्रमा बंगाली भाषाको यो नियम लागू गर्न खोज्यो भने यसको परिणाम राम्रो हुनेछैन। हाम्रो प्राणको बलिदान दिन तयार छौं, तर हाम्रो भाषा र अस्तित्वलाई बचाएरै छाड्नेछौँ।” निरौलाले जनता भाषाको सुरक्षाका लागि सचेत र एकतावद्ध बन्नुपर्ने आवश्यकता औंल्याउँदै ‘जय गोर्खा भाषा’को नारा दिएका छन्।
अमेरिकामा बेचिएका धेरै आइफोन भारत निर्मित
Paru Dewan
August 2, 2025
