विभिन्न पार्टीका ९६ परिवारले समाए आइजीजेएफको झण्डा

इण्डियन गोर्खा जनशक्ति फ्रण्डको समर्थन कार्यक्रम आज मिरिक महकुमाको घैयाबारी चियाबारी मन्दिर गाउँस्थित सार्वजनिक भवनमा सम्पन्न भयो। कार्यक्रममा घैयाबारीका ५०, सुके पोखरीका २४ अनि लङभ्यु चियाबारीका २२ परिवारले पार्टीमा समर्थन गरे। सुरेश थापाले सञ्चालन गरेको कार्यक्रममा आइजीजेएफका प्रमुख संयोजक अजय एडवर्डस, पार्टी केन्द्रिय समितिका सदस्य रोजेश थापा, मिरिक महकुमाका संयोजक प्रशान्त लामा, श्रमिक संगठन मिरिक महकुमा अध्यक्ष तिलक लुङगेली, सुके पोखरी ब्लक संयोजक दिनेश राई, पार्टी नेताहरू लाडुप घिसिङ, रोबर्ट छेत्री, आरके शर्मा, अनिल राणा, सूरज पाख्रिन, मिलन आले, मन्दिप लामा, रमेश छेत्री लगायत अन्यको उपस्थिति रहेको थियो। कार्यक्रममा पार्टीका प्रमुख संयोजक अजय एडवर्डसले श्रद्धा पहिराएर पार्टीमा स्वागत जनाए।