गोर्खाल्यान्ड आन्दोलनका शहीद राजपुतको शालिग अनावरण

इन्डियन गोर्खा जनशक्ति फ्रण्टका प्रमुख सयोजक अजय एडवर्ड्सले होम्स डिस्पेन्सरी क्षेत्रमा शहीद मंगलसिंह राजपूतको प्रतिमा अनावरण गरे। शहीदको बलिदानलाई सम्मान जनाउँदै कार्यक्रम अत्यन्तै श्रद्धा र गौरवका साथ सम्पन्न गरियो। प्रतिमा अनावरणपछि होम्स कम्युनिटी हलमा पार्टी बैठक आयोजना गरिएको थियो। हल पार्टीका कार्यकर्ताहरूले खचाखच भरिएको थियो भने अन्य पार्टीबाट पनि उल्लेख्य संख्यामा मानिसहरूले IGRF पार्टीमा प्रवेश गरे। कार्यक्रमपछि सञ्चारकर्मीहरूसँग कुरा गर्दै अजय एडवर्डले आगामी प्रदेश विधानसभाको निर्वाचनबारे आत्मविश्वास व्यक्त गरे। उनले पार्टीलाई जनताले ठूलो समर्थन गरिरहेको बताउँदै, यो पार्टीले यस पटक ५ वटा सिट जित्ने दाबी गरे। यस कार्यक्रममा स्थानीय वीरप्रति सम्मान मात्र नभई क्षेत्रीय राजनीतिमा आइजीजेएफ पार्टीको बढ्दो प्रभाव पनि प्रस्ट देखिएको छ।